Angallannermut naalakkersuisoq 15 mio.koruuninik qinnuteqarpoq
Kangerlussuarmi mittarfiup illutai 15 miliuunit koruunit nalinginut allineqassapput – tassa angallannermut naalakkersuisup Kim Kielsenip, Aningaasaqarnermut ataatsimiititaliamut aningaasaliissutissatut qinnuteqaataa akuerineqassappat.
Allattoq Elisa Isaksen
novembarip 19-at 2007 08:02
Tamanna Demokraatineersup Marie Fleischerip nuannaajallaatigaa, isumaqarami Kangerlussuarmi mittarfimmi pissutsit pitsanngorsartariaqalersut – tupingusuutiginerarpaali aatsaat iliuuseqartoqalermat aalajangiisartut ataatsimiikkunnaareersullu.
- Demokraatiniit tupigusuutigaarput siunnersuut inatsisartut ataatsimiinnerata nalaani saqqummiunneqanngimmat, nuannaarutigaarpulli naalakkersuisup paasimmagu Kangerlussuarmi mittarfik ilumut iliuuseqarfigisariaqalersoq, taama oqarpoq Marie Fleischer, Demokraatit sinnerlugit inatsisartunut ilaasortaq.
