Angallannermut Ataatsimiititaliap Paamiuni mittarfissaat oqaluuseraa
Paamiuni mittarfissaq Inatsisartut Angallannermut Ataatsimiititaliaanni ullumi oqalusserisassanut ilaanngikkaluartoq aamma oqaluuserineqartoq ataatsimiititap siulittaasua Inuit Ataqatigiinneersoq Agathe Fontaine oqarpoq.
- Ataatsimiititaliami isumaqatigipputgut Angallannermut Naalakkersuisoq Ataatsimiititaliarlu ataatsimeeqatigiissasut, Inatsisartuni angallanneq pillugu oqaluuserineqarmat tassani anguniakkatut isumaqatigiissutaasimasut innersuussutigineqartut oqaluuserineqassapput.
- Tassani innersuussutigineqartut Naalakkersuisunit qanoq takorloorneqarnersut oqaluuserissavagut, Agathe Fontine oqarpoq oqaatigaalu Inatsisartuni partiit immikkuutitaarlutik isummersuutaat aamma eqqartorneqassasut. Agathe Fontainep erseqqissaatigaa partiit ilaanniit Paamiuni timmisartoqarfissap piviusunngornissaa anguniarneqartoq Inuit Ataqatigiillu taakkununnga ilaasut.
Angallanneq Pillugu Ataatsimiititaliap Angallannermut Naalakkersuisoq Jens Napaattooq ataasinngorpat ataatsimeeqatiseraa.
Angallannermut Naalakkersuisup oqaatigaa Paamiut ukiut 10-it 15-illuunniit qaangiuppata suluusalinnut timmisartoqarfeqalernissaa piviusorsiornerussasoq. Sulinerlu aallartereersoq Jens Napaattuup erseqqissaatigaa.
