Angallanneq oqaluuserissavaat
Nunatsinni angallannermik aaqqissuussineq pillugu apeqqutit 14-it Inatsisartut ullumi siullermeerlugit oqaaluuserissavaat.
Allattoq Elisa Isaksen
Naalakkersuisut siunnerfigaat Inatsisartut upernaamut ataatsimiilerpata nunatsinni mittarfiit tallineqarnissaannik siunnersuummik saqqummiussisoqassasoq.
Tamatuma peqatigisaanik mittarfeqarfiit kikkunnit pigineqassanersut qanorlu ingerlanneqassanersut aalajangiiffigineqassaaq.
Angallanneq aaqqissuuteqqinneqarmat timmisartuussinerlu 2006-imi januaarimiit kisimi aningaasaliiffigineqartalermat, angallanneq naammagittaalliuutigineqartaqaaq.