Angalasussat qulit ullut 21-it kinguaattooqqasimapput
Avannaani timmisartuussioqarneratigut ilaasut tamarmik apuunneqarput Ilaasut kingulliit Upernaviup eqqaani apuuffissaannut ippassaq unnukkut apuunneqarput, taamaalilluni naliginnaasumik angallasssineq ingerlaqqilersoq, Air Greenland nalunaaruteqarpoq.
Allattoq Inge S. Rasmussen
januaarip 18-at 2018 11:46
Nutserisoq Bikki P. Kleist
- Atuisugut, Namminersorlutik Oqartussat, Issittumi Sakkutooqarfik, Angallannermut Aqutsisoqarfik Air Greenlandimilu sulisut qutsavigaagut, pisoq imaannaasimanngilaq suleqatigiilluartoqarporli, Air Greenlandimi niuernermut pisortaq Maliina Abelsen oqarpoq.
Pisup ajornerpaaffiani ilaasut 132-it eqqugaapput, taakkunanngalu qulit sapaatit akunneri pingasut sinnerlugit utaqqisimallutik.
Ukiup tulliani ukiuunerani angallassinissamut aaqqiissuteqarfigisinnaajumallugit, Air Greenlandip maanna pisoq naliliivigisussanngorpaa.
AAMMA ATUARUK Issittumi sakkutooqarfik ilaasut apuunnissaannut ikiuuttoq
