Ullumi ulloq tassaavoq Qeqertarsuarmi Angakkussarfiup tunngavilerneqarneraniit ukiut 100-nngortorsiorneq.
Angakkussarfik tassaavoq Københavnip Universitetiata alapernaarsuiviisa avannarlerpaartaat.
Ulloq erfalasuliinermik, naalagiartitsinermik, kransiliinertalimmillu malunnartinniarneqassaaq, soorlu aamma illoqarfiup timersortarfiani kaffillertoqassasoq.
Angakkussarfiup 100-liineranut atatillugu aamma atuakkiortoqarpoq, frimærkimillu saqqummersitsisoqarluni.
Angakkussarfik naasorsiuumit Morten P. Porsild-imit tunngavilerneqarpoq.
Qeqertarsuarmut ilisimasassarsiorlutik 1902-mi angalasunut Porsild peqataavoq, pinngortitamillu ilisimatusarfissamik pilersitsisoqarnissamik isumassarsisuulluni.
Porsild angerlamut apuukkami isumassarsiami piviusunngortinneqarnissaa sulissutigilerpaa, Angakkussarfillu Arktisk Station 1906-mi atoqqaarfissiorneqarpoq.
Angakkussarfik issittumi ilisimatusarfiit pisoqaanersaraat, Københavnillu Universitetiani Naturvidenskabelig Fakultet-imut atalluni.