Angajoqqaat angajoqqaatut amigaatigineqarput
Angajoqqaat inuusuttaminnut akuliunnerusariaqarnerat inuusuttut amerlaqisut kissaatigigaat, missuinerup nutaap takutippaa.
Inersimasut malittarisassaliorsinnaapput, isornartunillu apeqquteqarsinnaallutik.
Inuusuttuaqqat arlaannik pingaarutilimmik aalajangigassaqartillutik imminnuinnaq isumalluutigisariaqartut, ikinngutimminnilluunniit isumalluuteqartariaqartartut, misissuinermi paasineqarpoq.
Allalli taamatupajaaq ukiullit aamma saaffissaaleqisarput, taamaammat inersimasut angajoqqaatut pissusilersortarnissaat inuusuttorpassuarnit amigaatigineqarpoq.
Taama oqarpoq inuusuttut atugaannik ilisimatooq, Søren Østergaard, misissuinermik aallartitsisuusoq.
- Immaqa isaasalerlugu oqarsinnaavugut ”nukillaarsimasut tappiitsut ingerlakkaat”. Inuusuttorpassuupput satsittutullusooq misigisimasut. Pingaarutilinnut tunngasunik ikinngutiminnut apeqquteqarnissartik amerlanerit nangaassutigisarpaat. Taamaammat inersimasut toqqammavissat amigaatigineqartorujussuupput. Tassa angajoqqaanut paasiniaasinnaaneq nalinginnaasoq inuusuttut akornani ujartorneqarpoq.
Ajornartorsiutaavoq angajoqqaarpassuit meeqqatik kammalaasiuttarmatigik, taamaammat malittarisassaliuussinissartik aalajangersimasumillu piumasaqaateqarnissartik ajornakusoortittarlugu.
