Angajoqqaarsiat Peqatigiiffiat: Nikallujuissuseq pisariaqarpoq
Nuummi Angajoqqaarsiat Peqatigiiffiata ajuusaarutigaa peqatigiiffiup Meeqqat Inuunerissut Namminersornerullutik Oqartussanik suleqateqarunnaarsimallutik nalunaarnerat. Tassami suleqatiginnikkunnaarnerup kinguneranik ataatsimeersuarnissamik piareersaanermut ilaajunnarmata.
Allattoq Louise M. Kleemann
- Meeqqat inuusuttullu atugaannik pitsanngorsaaniarluni nukippassuit atorneqartariaqarput. Pitsaasumik angusaqarniaraanni nikallujuissuseq qasujaannerlu pisariaqarput, siulittaasoq Ellen Sofie Chemnitz oqarpoq.
Taassuma peqatigiiffik Meeqqat Inuunerissut ataatsimeersuarnermi peqataajumanissaat neriuutigaa.