Angajoqqaarsiat aningaasarsiakeqaat
Nunani avannaerlerni angajoqqaarsiat nunatsinni angajoqarsianut naleqqiullutik pisortanit pitsaanerujussuarmik tapersersorneqartarput.
Assersuutigalugu nunani avannaerlerni angajoqqaarsiat meeqqamik tiguseqqaarnerminni sulinngiffeqarnissaminnut pisinnaatitaaffeqarput.
Allattoq Jens Thorin
septembarip 09-at 2008 10:58
Kalaallit Nunaanni Angajoqqaarsiat meeqqat pisariaqartitaat pillugit inunnik isumaginnittoqarfimmut qinnuteqaqattaartarput,
Nunani avannerlerni angajoqqaarsiat ulluinnarsiutiginngisaannik.
Aningaasarsiaalli aamma nunani avannerlerni pitsaanerupput.
- Ataatsimiinnitsinni paasivarput nunani avannarlermiunit akissarsiakinnerulluta. Nunani avannarlerni angajoqqaarsiat sapaatip akunneranut akissarsiaat ima amerlanerutigaat, Kalaallit nunaanni angajoqqaarsiat qaammammut akissarsiaanut naapertuullutik, Marie Hansen ukiut 22-it angajoqqaarsiaasartoq oqarpoq.
