Angajoqqaarsiat aningaasanik qarasaasianillu tunissutisipput
Checkit marluk 10.000 koruuninik aamma 17.000 kroninik aningaasartallit ullumi tunniunneqarput.
- Innuttut akisussaaqataaneq suliffeqarfitta anguniagaanut ilaavoq. Tamanna ersersinneqarnerusarpoq meeqqat ulluinnarni inuunerannut pitsaasumik iliuuseqarusunnitsigut, Peter N. Østerbye, Steriami pisortaaneq oqarpoq.
Tunissuteqarneq TELE-POST-ip inuiaqatigiinni akisussaaqataanermut politikkianut aammattaaq ilaavoq:
- Inuiaqatigiinni akisussaaqataaneq TELE-POST-ip pingaartitaasa ilagaat, soorluttaaq inuiaqatigiinni ilisimasaqarnerulernissaq taamatullu IT-mik piginnaasaqarnerup nukittorsarneqarnissaa pingaartinneqartoq, Anders Barslund TELE-POST-imi pisortaq oqarpoq.
- Tunissut meeqqanut iluaqutaassaaq, peqatigiiffimmut tunissutinik isumalluuteqartumut assorsuaq pingaaruteqarpoq, Angajoqqaarsiaasartut Peqatigiiffianni allatsi Birthe Abelsen qujassutimini ilaatigut taama oqarpoq.