Nuummi angojoqqaarsiaasartut atukkatit pillugit ippassaq ingerlaaqatigiillutik akerliussutsiminnik takutitisipput.
Akerliussutsimik takutitsinermi allagartarsuit qalipaatigissaaqisut, nilliaatigalutik angajoqqaarsiaasartut aqqusinikkut ingerlapput.
”akunnermut 4,58-inik akilerneqartarlutit sulerusuppit?” aammalu ”Atornerlunneqarusunngilanga”, angajoqqaarsiaasartut 20-it missaannik amerlatigisut taamatut oqariartuuteqarlutik akerliussutsimik takutitsipput.
Akerliussutsimik takutitsisut ilaqutariinnermut pisortaqarfimmut inatsisartullu ataatsimiittarfianut ingerlaarput. Radioaviisilu malinnaavoq.
Akerliussutsimik takutitsisut Aleqa Hammond-ip oqalugiaataa naammagisimaarnagu ersersippaat, ilaatigut suaartarlutik oqaasiinnaasut iliuusertaqanngitsut.
Anthon frederiksen Kattusseqatigiinneersoq, akerliussutsimik takutitsisut qinnuigai, allagartassualiat allaffimminukaassorneqassasut.
