Ane Skifte: Kattuffeqalerneq iluaqutaassaqaaq
Utoqqaat timersoqatigiiffiisa kattuffiat, Nuummi ataatsimeersuartitsinermi ippassaq pilersinneqarpoq, siulittaasunngortorlu, Ane Skifte, 70-iliingajalersoq, Maniitsumi peqatigiiffimmi Paarnguliameersoq oqarpoq, kattuffeqalerneq nukittorsaatigissagitsik.
- Utoqqalinersiutillit timersoqatigiiffinnut ilaasortanngornikut amerlinikuummata kattuffeqalerneq iluaqutaassaqaaq, Ane Skifte oqarpoq, nangillunilu:
- Aningaasatigut iluaqutigissavarput, timersoqatigiiffiit kattuffiannit aningaasanik taperneqarsinnaalissagatta, kisianni aningaasatiguunnaanngitsoq, atisassanik aamma tunineqartalersinnaassaagut, Utoqqaat timersortartut kattuffianni siulittaasoq Ane Skifte oqarpoq.