Ane Hansen: Sulisinnaajunnaarnersiutillit iliuuseqarfigeqquai

Inatsisartuni ilaasortaq IA-meersoq Ane Hansen siusinaartumik sulisinnaajunnaarnermussutisialinnut, utoqqalinersiuteqartunullu saniatigut suliffeqarsinnaaneq pitsaanersumik aaqqiivineqarnissaa naalakkersuisunut ilaasortanut kajumissaarutigaa.
oktobarip 12-at 2008 13:32

Tamannalu ukiaanerani Inatsisartut ataatsimiineranni aalajangiiffigineqartussatut oqaluuserisassanngortillugu.

Ane Hansen-ip tunngavilersuutigaa, siunissami suliffinnik amerlanerusunik pilersitsisoqarpat sulisussanik amigaateqalernissaq.

- Maanna Kalaallit Nunaanni suliunnaarnermorsutisiallit 2.500 missaaniipput, ilai annertunerusumik annikinnerusumilluuniit innarluuteqarlutik. Inuit ilaat saniatigut suliffeqarsinnaapput, taamaalilluni nunatsinnut annertuumik iluaqutaasinnaagaluarlutik, Ane Hansen tusagassiutinut nalunaarummini taama allappoq.

Suliffeqarfiit tamangajammik, maanna suliffigititap piffissaq tamaat sulisartuupput. Tassa ullormut 8 tiimit sulisarlutik, Ane Hansen-ip neriuutigaa piffissap ilaanaa sulisarsinnaanissaq pillugu Naalakkersuisut periarfissanik nutaanik matunik ammaasissasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq