Inatsisartut Aalisarnermut Piniarnermut Nunalerinermullu ataatsimiitsitaliaata siulittaasuata, Ane Hansenip Finn Karlsen isumaqatigaa.
- Biologit nalilersuisarnerat pingaartinneqarpallaarpoq, piniartut ullut tamaasa pinngortitami misilittagaat pinnagit, Ane Hansen oqarpoq.
- Illuinnaasiortutut ililluni biologit ilisimasaat kisimi ukiuni kingullerni annertoorujussuarmik tusaaniarneqarnikuupput, siunnersuisarnerit eqqarsaatigalugit, Ane Hansen oqarpoq, nangillunilu:
- Piniartut aalisartullu tassaapput ullut tamaasa avatangiisiminnik atuisut, aammalu najuisut, avatangiisiminni susoqartoq ilisimasarpaat, silaannaallu allanngoriartornerata malitsigisaanik pissutsit qanoq iliartornersoq malinnaavigivaat, Ane Hansen oqarpoq.
Biologit ilisimasaat, piniartullu ilisimasaat ajornanngitsumik ataatsimut naapitinniarneqarsinnaasut aamma oqaatigineqarpoq.