Politikki

Ane Hansen borgmesterinngoqqinngitsoortoq

Siumumeersoq Enok Sandgreen Qaasuitsoq Kujallermi borgmesterinngortussanngorpoq. Taassuma ukiut aqqaneq-marluk ingerlaneranni marloriarluni IA-mi taaguunneqarnerpaasartoq Ane Hansen borgmesterinngoteqqinngitsoorpaa.

Allattoq Kenneth Elkjær

apriilip 07-at 2017 16:29

Enok Sandgreen Aasiaat Kommunerisimasaani 2005-imi borgmesterinngorpoq. Enok Sandgreen taamani qinersereernerup kingorna IA-miit Siumumut nuuppoq. Taamaasilluni IA-meersoq Ane Hansen 419-inik taagunneqartoq borgmesterinngunngitsoortillugu.

Enok Sandgreen taamani 62-inik qinerneqarpoq, Siumumulli nuunnermi kingorna borgmesterinngorsinnaanngorluni.

Taamaasilluni aamma KANUKOKA-mi siulittaasunngorluni.

Ane Hansen taaguunneqarluarluni marlunngormat kommunemut qinersinermi 350-inik qinerneqarpoq, Qaasuitsumilu Kujallermi qinerneqarnerpaalluni.

AAMMA ATUARUK Enok Sandgreen borgmesterinngussaaq

Enok Sandgreen parteeqatiminit Jess Svanemiit taasinernik pingasunik ikinnerusunik qinerneqarluni 182-inik qinerneqarpoq. IA aamma Siumut tamarmik arfineq-marlunnik ilaasortaatitaqalerput, Atassullu aalajangiisussanngorluni ataatsimik ilaasortaatitaqalerpoq, maanna Siumumut iluaqutaasumik.

Enok Sandgreenip Jess Svane qanoq ililluni borgmesterinngortinngitsoorsimaneraa suli nalunaartigineqanngilaq.

Nutaarsiassami kukkunermik nassaarsimaguit uunga allaffigineqarsinnaavugut.

Ane Hansen borgmesterinngoqqinngitsoortoq

Aamma atuaruk