Anders Fogh Rasmussen paatsoorsimavoq

Kalaallit Nunaanni uuliamik qalluisoqalissagaluarpat aningaasat isertitaajumaartussat qanoq agguataarneqarnissaanik oqallinneq Danmarkimi ministeriunerup, Anders Fogh Rasmussenip, aallarteqqissappagu, Dansk Folkepartimeersup, Søren Espersenip, tamanna nuannaarutigissaqalugu oqarpoq, Anders Fogh Rasmussenili paatsuugaqarsimagunartoq Espersenip ernummatigaa.
januaarip 11-at 2008 06:34

-Uuliamit Kalaallit Nunaanneersumik aningaasat isertitaajumaartussat Danmarkip Kalaallit Nunaatalu akornanni assigiimmik aveqqissaarneqartassapput, ministeriuneq Anders Fogh Rasmussen ippassaq oqarpoq, Namminersornerli pillugu Isumalioqatigiissitami ilaasortat amerlanerussuteqartut killiffiat ministeriunerup atuarsimagunanngilaa paasisimagunarnagulu, Søren Espersen isummersorpoq.

Søren Espersen Namminersorneq pillugu Isumalioqatigiissitami ilaasortaavoq, kisiannili ikinnerussuteqarluni. Isumalioqatigiissitami ilaasortat amerlanerussuteqartut isumaqatigiissutigeqqammerpaat, aningaasat ukiumoortumik ataatsimoortumik Danmarkimiit tapiissutit 3 milliardi koruuninit annertunerulaartut ilanngaatigereerlugit aningaasat isertitassat tamarmik

Kalaallit Nunaannut tuttassasut, tassa Søren Espersenip isumaata killormorluinnaanik. Ministeriunerli killormorluinnaq oqarpoq, Espersen tikkuaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq