Anders Fogh Rasmussen naatitanit orsussatut atorneqartunut tupigusuppoq
Danskit statsministeriat Anders Fogh Rasmussen Amerikami kujallermi angalanermini orsussamik atuisarnerat isumassarsiffigilluarsimavaa.
Anders Fogh Rasmussen sapaatip akunnera ataaseq pisortatigoortumik Argentina-mi Brasiliamilu angalavoq. Orsussaq biodiesel,-imik taaguuteqartoq, naasut isserannit ikummatissiaq, Anders Fogh Rasmussen-ip siornatigut takusimanngisani alutorilluarsimavaa, ilikkagaqarfigisimallugulu, ingammik inuussutissat naatinneqartartut akornanni naatinneqartarnerat takussutissiilluarsimavoq.
Brasiliami uuliaaniarfissuarmi Petrobras-imi eertat castor-inik taaguuteqartut naatinneqartarnerannik Anders Fogh Rasmussen takutitsiffigineqarpoq.
Naasoq qajannaappoq, inoqajuitsoqarfinni assingusuni naatinneqarsinnaalluni orsussatullu Biodiesel-itut tunisassiarineqarsinnaalluni. Tunissasiornermilu naasorissaasut piitsut sioqqanilluunniit naatsiveqaraluarpata tunisassiornerminni peqataatinneqarsinnaalluarput, tamannalu aaqqineruvoq, Anders Fogh Ramussen takusani pillugit oqarpoq.