Anders Fogh Rasmussen ministeriunertut ingerlaannarnissaminut amerlanerussuteqarpoq
Folketingimut qinersinerup kingorna Anders Fogh Rasmussen Danmarkimi statsministeritut ingerlaqqittussanngorpoq.
Anders Fogh Rasmussenip partiiata Venstrep folketingimi ilaasortaatitai arfinilinnik ikileriaraluartut naalakkersuisuunerminni tapersersortaasa konservativit folketingimi ilaasortaatitai nikinngillat, tapersersortaallu Dansk Folkeparti folketingimi ilaasortaatitai ataatsimik amerleriarlutik.
Socialdemokratit aatsaat taamak qinersinermi iluatsitsinngitsigipput, folketingimi ilaasortaatitai marlunnik ikileriarput, taamatuttaaq Radikal Venstrep ilaasortaatitaat arfinilinnik ikileriarlutik. Socialistik Folkeparti folketingimut ilaasortanngortitai marloriaammik amerligaluartut, illuatungiliuttut amerlanerussuteqalinngillat.
Enhedslisten qinigaasinnaanissamut killiussaq angoqqatorpaat, qinersisartut 2 procentiisa qinermassuk. Partii nutaaq Ny Alliance tallimanik isertitaqarpoq.
Taamaalilluni Anders Fogh Rasmussen Statsiministeritut tunuanngilaq.
Statsministeritut ingerlaannarnissaminut folketingimi ilaasortanit 90nit tapersersortissaqarami.