Anders Fogh NATO-mi qullersanngussanerluni nalornivoq
Nunat Killiit Illersoqatigiiffianni, NATO-mi, qullersatut qinnuteqassanerluni aperineqarnini ministeriunerup Anders Fogh Rasmussenip tusagassiortunik sapaatip akunneranoortumik ullumi katersuutsitsinermini akiumanngilaa.
Allattoq Lotte Holm
marsip 10-at 2009 12:04
- Oqaasissaaruppunga.
- Maannamut oqaatigeriikkakka innersuussutigiinnassavakka.
- Oqaaseqarfigerusunngilakka.
Ministeriuneq tatineqartutut misigisimarpaseqisoq taama tassa akivoq, Natomilu qullersatut qinnuteqarniarnerluni apeqqutit akerusunngilluinnarpai.
Tusagassiortunik ullumi katersortitsineq ukiup ataatsip ingerlanerani arfineq-marloriarluni katersortitsisimanerni sivikinnerpaavoq.
Tusagassiortut Anders Fogh Rasmussenip tikilluaqquvai, minutsillu 27-t sekundillu 53-it qaangiummata anivoq.
Canadami illersornissamut ministeri, Peter Mackay, Natop qullersaatut USA-p siunnersuutiginiaraa ullumi paasinarsivoq. Polenimi nunanut allanut ministeri, Radek Sikorski, qinnuteqarniartunut aamma ilaanerarneqarpoq.
