Aviisimi ullormut saqqummersartumi "Der Nordschleswiger"-imi, allassimasut naapertorlugit, Anders Fogh Rasmussenip Bruxellesimi 'Den Danske Publicistklub' Aabenraami ataatsimeeqatigitillugu ima oqarpoq:
- Issittumi sakkutuuliisoqarnissaanik tamanna kinguneqassagaluarpalluunniit, uanga nangaanartoqartippara, EU-lli Natollu pilersaarusiornissaanni tamaani unammillernartoqarnera sillimaffigisariaqarpoq.
- Silap pissusaata allanngoriartornera avannaarsuanik taasartakkatsinni unammillernartunik nutaanik pilersitsivoq. Imaatigut aqqutit sikueruppata, issittumilu pinngortitami pisuussutinik ajornannginnerusumik pissarsisinnaalerutta, akerleriittoqarnerulissaaq, Fogh oqarpoq.
Kinamiut issittumi pisuussutinut arlalinnut oqartussaassuseqalerusunnerannik maanna oqaluttoqarnera russit ernummatigigaat Foghip tikkuarpaa.
- Qalasersuaq kimit oqartussaaffigineqarnersoq nunat arlallit assortuussutigigaat aamma takoreerparput, tamannalu 2014-imi eqqissisimasumik aalajangerneqartussaavoq, Danmarkillu Norge, Canada USA-lu peqatigisussaavai. Apeqqutit taakku eqqissisimasumik aaqqiivigineqanngippata akerleriittoqaleriaannaavoq, Anders Fogh Rasmussen Bruxellesimi 'Den Danske Publicistklub'-imut erseqqissaavoq.