ANC ajugaarussuarpoq amerlanerussuteqarnissamulli naammanngilaq
Sydafrikami naalakkersuisut partiiat ANC Jacob Zuma-mit siuttuuffigineqartoq, pingasunngormat inatsisartunut qinersisoqarmat naatsorsuutigisamit ajugaarussuarpoq
Allattoq Jaaku Lyberth
Taamaattorli partii nammineq kisimi allannguisitsinissamut amerlanerussuteqanngilaq.
Inatsisartuni inissat aappata pingajorarterutaanik amerlassuseqarunik aatsaat amerlanerussuteqarnertik qulakkeersinnaavaat, DR taamatut allaaserisaqarpoq. Qinersisartut 65,9 procentii ANC-imik qinersipput.
Sydafrikami inatsisartut nutaat maajip ulluisa arferngani ataatsimiinerminni Jakob Zuma præsidentitut ivertissavaat.