Anaanaq panialu tammaaneqartut

Ekstra Bladetimi allaaserineqarpoq anaanaq 43-unik ukiulik panialu, Arnaq, sisamanik ukiulik kræftertoq Aalborgimi tammaaneqartut. Oqaatigineqarpoq anaanaasoq nikallungalluni panini ilagalugu periarfeerussimasut.
Allattoq Mads Pedersen
marsip 13-at 2012 12:28

Niviarsiaqqap sisamanik ukiullip ataataata nuliani Vilhelmine Magnusseni paninilu ullumi tammaaneqartutut nalunaarutigisimavai, taama Ekstra Bladet allaaserisaqarpoq.

Arnaq 43-unik ukiulik uimi ilaqutaani arfininngormat unnukkut arfernup eqqaani kingullermik takuneqarpoq.

Pania massakkorpiaq nappaamminik katsorsarneqanngikkaluartoq, Nordjyllandip
Politiivinit ernummatigineqarpoq niviarsiaqqap qanoq innera, minnerunngitsumillu anaanaasup eqqarsartaatsimigut qanoq inissisimanera, taama pigaartuuneq Frank Liltorp eb.dk-mut oqarpoq.

Taamaammallu politiit piaarnerpaamik ujarneqartut nassaarerusuppaat. Paasiniaanermilu illoqarfiup kalaalertaasa akornanni paasiniaaneq aallartinniarpaluppaat.

Ujarneqartut sumiissimasinnaanerannik ilisimannittut +45 114-imut attaveqaqquneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq