Kalaallip inuusuttuaqqap ernertaannguani ullunik sisamanik pisoqaassusilik Københavnimi Rigshospitalimiit qimarngukkaluarsimagaa aviisi BT allaaserinnippoq.
Anaananngorlaap 14-iinnarnik ukioqarami nammineerluni suli meeraasup qitornartaannguani pigisinnaanagu ilisimasimavaa.
Inunnik isumaginnittoqarfimmiit aalajangerneqarsimavoq meeraq inunngorniariarpat arnaa arsaarneqassasoq, tamannalu tassa pillugu 14-inik ukiullip ernertaannguani aallarukkaluarsimavaa.
- Rigshospitalimiit malugineqaranilu ernertaani nassarlugu qimagussimavoq, sulisullu siniffik inoqanngitsoq paasigamikku politiinut kalerriisimapput, Københavnimi kriminal kommissæri Tommy Keil taama aviisimut oqaluttuarpoq.
Politiillu anaanaq erneeraalu Nørrebro-miittut nassaarisimavaat.
Anaananngorlaaq Nørrebromiittumut Foreningen Grønlandske Børn-imut qimaasimasoq nassaarineqarpoq.
Anaanaq qitornaalu ajunngitsut oqaatigineqarpoq, qitornartaavatali arsaarinnissutigineqarnissaa suli isumaavoq.