Thailand Anaanaminit appisaluutitinnissani annilaangassutigigaa
Taakku tusagassiortunik katersortitsinermi, tusagassiortorpassuarnit nunanit tamalaaneersunit peqataaffigineqartumi, qaarusummiinnertik oqaluttuaraat.
- Angerlaqqinngisaannarnissara, anaananninngaanniillu appisaluutitinnissara annilaangassutigaara, nukappiaqqat ilaat oqarpoq.
Arsaqatigisartagai, aqqanilinnit 16-it tungaanut ukiullit, sungiusaasuallu 25-nik ukiulik nunanit tamalaaneersunit qaammat ataaseq malinnaavigineqarput. Nukappiaqqat sungiusaasuallu Thailandip avannarpasissortaani qaarusummut junip 23-ani iserput.
- Oqartussanit annaanneqarnissarput utaqqiinnarsinnaasorinnginnatsigu, namminneerluta aniniarsarigaluarpugut, sungiusaasoq oqarpoq.
Sialummit erngullu killingata qaffakkiartuinnarneranit qaarusummut pulajartuinnavisinneqarsimapput, ullullu qulingiluat tammaaneqareerlutik aqqartartunit nassaarineqarlutik.
Annaanneqarnermik kingorna nakkutigitillutik uninngatinneqarput. Napparsimmaviup pisortaa naapertorlugu, nukappiaqqat annaanneqaramilli agguaqasigiisillugu kilonik pingasunik oqimaallisimapput.
Nukappiaqqat aqqaneq-marluk nassaarineqarmata tupinnartuliatut misiginartoq ilaata oqaatigigaa, nutaarsiassaqartitsivik AFP allapoq.
- Tupinnartuliatut misigisimanarpoq, 14-inik ukiulik Adul Samon oqarpoq.
/ritzau/