Anaananngujaartartut pisortanit ikiorneqanngippallaarput
Apersugarput siulleq aaqqissuisoqarfimmit Najamik atserparput, taanna ima oqaluttuarpoq:
-19-inik ukioqarlunga meerartaarpunga.
Qanoq ikiorneqarnissat pisariaqartippiuk?
- Inissaqarnissap tungaatigut ikiorneqarnissaq pisariaqartorujussuuvoq, ingammik sumiiffissaqarani. Taavalu inissamik utaqqineq sivisusarluni.
Massakkut qanoq ikiorneqarpit?
- Maanngaanniit neqeroorfigitittarpugut, soorlu erniaarnikut inissisimaffissaannik neqeroorfigineqartartut.
Ikiorneqarnerit naammagaajuk?
- Naamik, inunnik isumaginnittoqarfimmit inissamik innersuunneqarnissara utaqqiinnarpara, kisianni suliap ingerlanera arriippoq.
Apersukkatta aappaa siorna 20-nik ukioqarluni meerartaarpoq aaqqissuisoqarfimmiillu Nivimik atserparput. Taanna oqaluttuarpoq meerartaaqqaaramik anaanami inaani najugaqarsimallutik, allatullu ajornartumik tujormigaluarlutik naammagittartariaqarsimallutik.
Meerartaajaarnermi ikiorserneqarneq ataatsimut isigalugu taassuma ima nalilerpaa:
- Misigisarpunga ikiorneqarsinnaananga. Kommuni aamma ajornartigisoq, imaaliallaannaq inimik tunisisinnaanngilaq. Taamaakkaluartoq inuttut ikiuiniarnerat ikorfartuisupilussuusarpoq, taama "Nivi" oqarpoq.