Anaanaasoq sakkutuujumanngitsoq nunasitikkumanngilaat
Arnaq taanna pingasunik meeraqartoq, ukioq ataaseq Irakimi sakkutuujuvoq, 2007-imillu sakkutuujorusunnani Canadamut nunasiniarluni qimaavoq.
Qaammat una naatinnagu Canada qimassimassagaa Canadami pisortat aalajangerput.
Amerikamiut sakkutuui sakkutuujorusunnatik Canadamiittut 200-t missaannik amerlassuseqartut naatsorsuutigineqarpoq, amerlanerit toqqorlutik inuupput ilaasa atitik allangortillugit Canadamiipput.
Amerikamioq sakkutooq ataaseq sakkutuujujumanani qimaasoq Canadamit anisitaavoq, taannalu USA-mi parnaarussassanngortinneqarluni pineqaatissinneqarpoq, ukiumi ataatsimi qaammatinilu pingasuni parnaarusimaneqassalluni.