Amminik tunisinissamut isumaqatigiissusiorput

- 2012-imi suleqatigiissimanerput pitsaasumik pisimammat nuannaarutigeqaarput, KNAPK-p siulittaasua, Leif Fontaine, aamma Great Greenland A/S-ip pisortaa, Lars Berg, oqarput.

Suliassaq taakku marluullutik tiguaat, tassuunalu piniartut ajunnginnerpaamik tunisisinnaanermik periarfissaqartinnissaannut periarfissillugit.

Puisit mamaarnerisa nalaanni qaammatit marluk, tassa apriilimi aamma maajimi, sumiiffiit atugassarititaat malillugit tunisineq matuneqarallartassasoq aamma isumaqatigiissutigaat. Tassa Tunumi, Kujataani aamma Avannaani, Aasianniit Qaanaaq ilanngullugu, maajimi, aamma Arsummiit Kangaatsiaq ilanngullugu apriilimi.

Nutaamik niueqatissamik nassaarniarnermi pitsaassuseq anguneqassappat, soorunami aamma tamatsinnut iluaqutaanissaa anguneqassaaq, KNAPK Great Greenlandilu isumaqarput. 2012-imi pitsaasutut siuariaatitut taasinnaasaat tassaapput "Inuit Sila", aamma atisanik takutitsinerit kusanartumik pisimasut, 2013-ilu aammaarlutik ingerlanniarpaat.

- Ikioqatigiilluta anguniagaqarnissarput pingaaruteqarpoq, piniartunut aamma Great Greenlandimut iluaqutaanissaa tamatta soqutigaarput, soorunami inuiaqatigiinnut tamatsinnut iluaqutaanissaa aamma soqutigalutigu, Leif Fontainé, aamma Lars Berg allapput.