Ammerivik namminersortunngorsarneqassaaq

Qaqortumi Ammerivik Namminersornerusunit pigineqartoq namminersortunngorsarneqalerpoq.

Naalakkersuisut siulittaasuata siulersuisunut allattoqarfiata februaarimi Ammerivik soqutiginnittunut tuninialerpagu, Ammerivimmi sulisut 30 - 40 –t missaaniittut piginneqataajumallutik soqutiginnipput.

Ammerivimmi tunisassiornermi pisortaq Poul Stoiberg suleqatini marluk allat peqatigalugit suleqatigiinni, Qaqortup Kommuniata Ammerivimmik namminersortunngorsaajumalluni suleqatigiissitaliaani suletaavoq.

-Kalaallit Nunarput namminiileriartulerpoq. Taavalu suliffeqarfiit amerlasuut namminiilerartulerlutik, soorunami pilerinarpoq aamma uagut namminersortunngorniarnerput. Tunngavitta aamma ilagivaat politikkikkut oqallisaavallaarnerput, tamakku soorlu kipitinniarlugillusooq peqataarusuppugut. Piginneqatigiinissamut periarfissaqarluta tusaqqaaratsigut pileritsattorujussuuvugut. Allaat ingerlaannaq oqalukkaluarput ingerlaannaq pisiariniarlugu, taama oqarpoq Poul Stoiberg.

Ammeriviup namminersortunngornissaanik Qaqortup Kommunia suleqatigiinnik pilersitsisimavoq, tassanilu ilaapput borgmester Simon Simonsen, Inussutissarsiornermi ataatsimmiittartoqatigiit, inuussutissarsiornermi ataatsimiititaliaq Ammerivimmiillu inuit marluk.

Kaj Egede suleqatigiissitami siulittaasoq oqarpoq, naatsorsuutigigitsik suliffeqarfik namminersortunngorsarneqareerpat sulisuusunit annerpaamik piginneqataaffigineqarumaartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat