Ammerisut sullivimmi atukkatik naammagiunnaarpaat
Sulisut atugaasa iluarsineqarnissaat nakorsamit kaammaattuutigineqarpoq kinguneqanngitsumilli. Ullumikkut, qaammatit arfineq-pingasut qaangiuttut, sulisunut atugassarititaasut pitsanngoriarsimanngillat, tamannalu sulisut toqqissisimanarinngilaat.
- Ammerivimmi pequtit timimut naleqqutinngitsut pissutaallutik timigut qasusarput, ujallugut nukigullu aserorsarneqartupilussuupput,Wilhelmina Larsen oqarpoq.
- Suliffimmi atuagassarititaasut naammaginanngillat, aamma sulianik naammassiniaanitsinni suleqatissatsinnik qinnuteqartaraluarpugut, itigartitaasarlutali, naak inniminnerneqartut amerliartoraluartut, Wilhemina Larsen oqarpoq.
Ammerivimmi aaqqinneqaqqusat pillugit Qeqqata Kommunianit oqaaseqartoqarsinnaanngilaq, allakkialli ingerlateqqiffissaanut anngunneqartut Kommunip allaffiani pisortaq Louisannguaq Rosing oqarpoq. Kangaamiuni ammerivimmi sulisut pingasut Kangaamiuni Sulinermik Inuussutissarsiuteqartut Peqatigiiffiannut ilaasortaapput. Ammerivimmi sulisut sulinerminni atugassarititat pillugit SIP-mut suli saaffiginnissuteqanngitsut, SIP-imi siulittaasoq Flavia Lyberth oqarpoq. Ammerivimmi sulisut allagaqarlutik saaffiginnissagaluarpata SIK-mit siunnersorneqarneq aallavigalugu SIP-mit iliuuuseqartoqarsinnaasoq, Flavia Lyberth oqarpoq.
