Ammassiviup eqqaani nuna ikuallappoq
Kujataani nunaqarfiup Ammassiviup eqqaani nuna ikuallattoq nalunaarutigineqarpoq.
Allattoq Elisa Isaksen
- Qanoq ililluni ikuallannerup aallartissimanera suli oqaatigisinnaanngilarput, kisianni nuna panertorujussuuvoq, Jakob Møller Nanortalimmi politiineersoq Sermitsiaq.ag-mut oqarpoq.
Ikuallanneq pillugu Nanortalimmi politiit sisamanngormat unnoqqaarnerani nalunaarfigineqarput.
- Ikuallattoq piaakannersumik siaruartorunnaarsipparput, kisianni ajoraluartumik ikummaqqikkami, maannalu ullut appassaanni ikumalluni. Qatserisartut Nanortalimmeersut, Qaqortumeersut Ammassivimmeersullu ikiorsiullugit ikuallanneq maanna qaminniarneqaleruttorpoq, Jakob Møller oqarpoq.