Ammassallip kommunea sipaarutissanik nassaarniartariaqarpoq

Ammassallip kommunia 18 millioni koruuninik amigartooruteqarmat piumaffigineqarpoq sipaarutissanik nassaarniartariaqartoq, Tasiilamilu kommunalbestyrelse juunip ulluisa aappaanniit arferngat ilanngullugu sipaarutissanik nassaarniarluni ataatsimeeqattaarmat sipaarutigineqarsinnaasut 8,5 millioni koruunit nassaarineqarput. Tasiilami borgmesteri Vittus Mikaelsen aperaarput 8,5 millioni koruunit qanoq ilillutik nassaarineqarsimanersut.

juunip 11-at 2008 05:41

-Soorunami taakku sapinngisaq tamaat nassaariniarsimavavut, oqarutta aningaasat 8,5 millioni koruunit iluanni. Kommunimi ukiumut missingersuutitta iluani assigiinngitsorpassuarnik tamaginni uteqattaarlugit taakku nassaarisimavavut, ullumikkumut ingerlatsinermut akornusiisoqanngitsumik, Vittus Mikaelsen oqarpoq.

Aperaarput sipaarniarnermi kikkut eqqugaassanersut, akivorlu, annertunerusumik eqquinissaq naatsorsuutiginagu, soorlu tassani pingaarnerpaatut pineqarmata iluarsaassinerit, aserfallatsaaliinerit taavalu nioqqutissanik pisiortornerit annertuumik nassaarniarfigigamikkik, aningaasat kaaviiaartitat iluanni ingerlatsineq allanngortinnaveersaarlugu ullumikkut inuiaqatigiinnik eqqugaanngitsunik nassaarniarneq ingerlassimagitsik.

Vittus Mikaelsen aamma erseqqissaavoq illoqarfiup iluani immikkoortortaqarfiit piumaffigineqarsimasut, aningaasartuutiminni 1000 koruuni 2000 koruuniluunniit sinnissagunikkik borgmesteri apereqqaarlugu aatsaat tamanna pisassasoq.

Ammassallip kommunea sipaarutissanik nassaarniartariaqarpoq

Aamma atuaruk