Amigartooruteqarnissaq Demokraatit akuererusunngilaat

Aningaasanut inatsisissap aappassaaneerneqarnerani inatsisartuni amerlanerussuteqartunit amigartoorfiusussatut akuerineqarnera, Demokraatinit akueriumaneqarani ualeq manna inatsisartuni oqallittoqangaatsiarpoq.

Demokraatit siulittaasuat Per Berhelsen isumaqarpoq, sipaarniartoqarluaraluarpat aningaasanut inatsisissaq amigartoorfiussanngikkaluartoq.

- Naatsorsuutigilluinnarsimavarput taamatut akerlilersorneqarnissarput. Nalunngilarpummi ukua Naalakkersuisooqatigiit suleqatigiinnerat isasooqqajaasoq. Taakku suleqatigiit akornamminni kissaaterpassuaqarput, taamaammallu aningaasanut inatsisissap amigartoorfiusumik ingerlanissaa taakkua isaanniit pisariaqarpoq, suleqatigiínnermi isasooriaannaammat. Uagut kissaatigisimagaluaparput, inuiaqatigiit illersorsinnaasumik aningaasanut inatsisissamik saqqummiussiffigineqarnissaat, taamaammat aamma oqallisissanik siunnersuuteqaraluarpugut, tusaajumaneqanngitsunik, Per Berhelsen oqarpoq.

Siumup oqaaseqartartuata Jens Lars Fleischer oqarpoq, aningaasanut inatsisissap amingartoorfiusumik ingerlanera kingusinnerusukkut imminut akilersinnaasumik ingerlasussanngorlugu aningaasanut inatsisissap ukiuni tulliuttuni marlunni amingartoorfiussasoq.

Taama oqarpoq Siumuimiit oqaaseqartinneqartoq Jens Lars Fleischer.

Demokraatininngaanneersoq Per Berthelsen aamma oqarpoq aappaagumut aningaasanut inatsisissaq amigartoorfiusussatut isikkoqalereermat, allaat maannakkumiit amigartoorut marloriaataa angullugu amigartoorutit amerlassuseqalersinnaanerarpai.