Innaarsuit Amerlasuut angerlarsimaffimminnut utersinnaalersut
Innaarsunni najugallit nuutsinneqarallarsimasut angerlarsimaffimminnut uteqqissinnaaniassammata nunaqarfimmi ulorianartorsiorfiusutut nalunaaqutserneqarsimasoq maanna annikillisinneqarpoq. Politikommissæriugallartoq Lina Davidsen tusagassiuutinut ippassaq unnukkut nalunaaqutaq arfineq-pingasut missaanni nalunaarummi taama allappoq.
Allattoq Ivik Kristiansen
juulip 17-at 2018 06:50
Innaarsunni ulorianartorsiorfiusutut nalunaaqutserneqarsimasup annikillinissaa upalungaarsimaniarnermut oqartussat aalajangeraat politiit nalunaarutigaat.
Sissap sinaanit qummut 10 meteri ulorianartorsiorfiusutut maanna nalunaaqutserneqarpoq. Iluliarsuaq aserussappat tassaarnissaata navianaateqarneranik nalilersuineq kingulleq ulorianartorsiorfiusutut nalunaaqutserneqartup annikillinissaanik aalajangernermut aallaaviusoq, Lina Davidsen allappoq.
Tassalu Innaarsunni najugaqartut ilaat angerlarsimaffimminnut utersinnaanngorlutik paasitinneqarput.
Pilersuisoq, aalisakkanik suliffissuaq nukissiorfillu suli matoqqassasut, innuttaasullu sissap qanittuani najugaqartut angerlarsimaffimminnut suli utersinnaanngitsut, politiit erseqqissaatigaat.
