Amerlanerusut inatsisitigut ikiorneqarsinnaaneq ujartorpaat
Amerlanerusut saaffiginnittarnerat, inuiaqatigiit ikiorneqarnissamik ilisimasaqalersimanerulernerannik pissuteqarpoq aamma ikiuisarfiup ersarinnerulerneranik pissuteqarsorineqarluni.
IKIU ukioq manna nuna tamakkerlugu angalavoq, uanilu sapaatip akunnerani Kalaallit Nunaata kujataanut, Qaqortumut Narsamilu angalallutik.
Angalaneq sisamanngornermi oktoberip arfineq pingajuannit pissaaq tassanilu inuttunuttaasunik saaffiginnissutinik tigussaasunik siunnersuisoqassalluni, ilaatigullu IKIU-p Piareersarfik, INUILI Sulisartullu Højskoleat pulaassallugu.
IKIU ilinniarfinni ilinniartut inuiaqatigiinni assigiinngittuni pisinnaatitaaffiinik paasititsiniaassaaq.
Inatsisitigut siunnersuisarfik IKIU ukioq manna tallimmiivoq, ukiullu taakku ingerlaneranni inatsisitigut ikiuisarneq akeqanngitsoq, inuttaasunit 4000-it missaanniitunit saaffigineqarsimavoq.
