Amerkamiut tikeralerput

TV-qarfissuup NBC-p Ilulissaniit ungasinngitsukkut aallakaatitsinera Amerikkamiut akorluarsimagunarpaat. Unniami dollariutillit nunatsinnut takkukkusulersut.

Malik Milfeldt Grønlands turist og erhvervsrådemi Paasissutissiinermi ataqatigiissaarisoq isumalluarpoq.

Takornariartitsinermi tuniniaanitsinnut sakkutta pingaarnersaata, tassalu Grønlands turist og erhvervsrådep nittartagaanut greenland.com-imut alakkaasimasut amerlassusaasigut takusinnaavarput, aatsaat taamak amerlatigisunik alakkarneqarsimalluta, taakkulu amerlanersaat Amerikamiuupput, Malik Milfeldt oqarpo,

Grønlands turist og erhvervsrådemi Paasissutissiinermi ataqatigiissaarisoq.

Air Greenlandip avammut paasisitsiniaasarfiani pisortaq Jesper Kunuk Egede oqarpoq NBC-p aallakaatitsinerata kingorna nittartakkaminnut Air Greenland.com-mut alakkaasut marloriaatingajanngorsimasut. -

Amerikami angalatitseqatigiit Horses north Amerikap kangiata avannaaniittoq five stars of scandinavialu Californiap ilaaniittoq nalunaarput aallakaatitsinerup kinguninngua saaffiginnittut qaffariangaatsiarsimasut, taamaammat tuniniaanitsinnut sunniuteqartoq oqaatigisinnaavarput, naatsorsuutigaarpullu tunisatigut iluaqutigissallutigu, Jesper Kunuk Egede oqarpoq.