Amerissaasiortartup Kalaallit Nunaata qeqquai atorusuppai
- Amerissaasiorninni pingortitap tunniussinnaasai atortarpakka, soorlu qeqqussat ameq sukkakkaluarlugu iluaallatsittarpaat, ataatsimut isigalugu pitsaasorujussuuvoq, aamma akugisai katsorsaatitut atorneqarsinnaasaramik. Taakkualu saniatigut aamma Kalaallit Nunaanni pinngortitaq allanik soqarnersoq misissoriartorusuppara. Nunanimi assigiinngitsuni angalaartillunga atorsinnaasannik nutaanik nassaallattaajuartarpunga. Ilimagilluinnarpara Kalaallit Nunaanni aamma arlaannik pinngortitaq peqassasoq ammip paarinissaanut iluaqutaasinnaasumik. Ila alutornassagaluaqaaq, Ole Henriksen oqarpoq.
Ole Henriksenip amerissaasiani nunani avannarlerni ulluni makkunani ussassaarutigai, Hollywoodimilu filmiliaritittartunik tusaamasanit nuannarineqareeqaat, ukiullu ataatsip ingerlanerani Kalaallit Nunaannukarnissani ilimagalugu oqarpoq.