Amerikkarmiu milliardeerinngortoq
USA-mi lottomik 5 milliardit koruuningajannik tassa 758,7 milliuunit dollarinik eqquisoqarpoq.
Allattoq Bikki P. Kleist, Ritzau
Oqaluttuarisaanermi aatsaat taama amerlatigisunik eqquisoqartoq, suliffeqarfik lottornermik suliaqartoq ilisimatitsivoq.
Powerballimik lottornermi pingasunngormat kisitsisit arfinillit makinneqarmata kuponi ataasiinnaq eqquivoq.
Kuponi pisiniarfimmi Watertownimi 35.000-it missaannik innuttaqartumi pisiarineqarsiamavoq.
Eqqukkat tamakkerlugit tiguneqassappata ukiuni tulliuttuni 29-ni tunniunneqartarnissaat eqquisup akuereqqaassavaa.
Eqqukkalli tamakkerlugit ingerlaannaq tigussagunigit 2,8 milliardit koruunit tigusinnaassavai. Tassa akileraarutit ilanngaatigereerlugit.