Amerikap naalagaaffia eqqartuussivilersuunniarneqalerpoq

Amerikamiut Guantanamomi Cubamiittumi parnaarussivianni tigusap, 19-inik ukiullip Amerikap naalagaaffia eqqartuussivilersuunnialerpaa, naalliutsitaasimanini inuusuttuunerminillu maangaannartitsisimanerat pissutigalugu.
aggustip 27-at 2009 17:18

Eqqartuussissusilerisut ilaqutaasullu oqaluttuarput 19-inik ukiulik assigiinngitsutigut naalliutsitaasarsimasoq. Ukiuni arfineq-marlunni parnaarussaaqqanermini unatagaasarsimavoq sinitsaaliorneqartarsimallunilu.

Mohammed Jawad aqqaneq-marlunnik ukioqarluni Afghanistanimi tigusaavoq. Illoqarfimmut tiimik aallertitaalluni tigusaavoq. Tamannalu 2002-mi pivoq. Qaartartuminngooq biilimut miloriussisimammat tigusarineqarpoq.

Taamaaliorsimaneragaanini aallaqqaammut miserratigeqqaaraluariarlugu Afghanistanimi oqartussaasunit toqunniarneqalerami, ilaquttanilu toqunneqarumaartut sioorasaarneqalerami, nassuiinnartariaqarsimavoq. Tamatuma kingorna amerikamiunut tunniunneqarpoq taakkulu Guantanamomut ikaarussimavaat.

Guantanamomi eqqartuussisut ukiut arfineq-marluk matuma siornagut pineqartup unnerluutigineqarnera atortussaajunnaarsippaat, kingornalu Amerikami eqqartuussisup pisup suliarineqarnera mamianartuliaanerarlugu oqaatigimmagu, unnerluutigineqarneralu eqqortortaqannginnerarmagu, pineqartoq iperagaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq