Amerikamiu countrymik erinarsortartoq coronavirusimik toqquteqartoq
Amerikamiu countrymik erinarsortartoq ilisimaneqarluartoq 73-inik ukiulik, John Prine, coronavirusimik tunillanneqareernermi kingorna napparsimmavimmi uninngatilluni toquvoq.
New York Times taama allappoq.
New York Times naapertorlugu John Prine Nashvillemi napparsimmavimmut marsip ulluisa 26-anni unippoq, kingornalu nualluut toqqutigalugu.
Hall of Famemik siorna nersornaaserneqartoq
John Prine suliani pillugit nipilersortartunut nersornaasiuttakkamik Grammymik nersornaaserneqarsimavoq, Hall of Famemillu erinarsuusiortarnini pillugu siorna nersornaaserneqarluni.
John Prines Chicagomi countrymik nipilersortarnini 1960-ikkut naalerneranni aallarnerpaa, 1971-imilu saqqummersitseqqaarluni, tamatumalu kingorna arlalinnik saqqummersitsisarsimavoq, kingullermillu 2018-imi saqqummersitsigami The Tree of Forgiveness saqqummersillugu.
