Amerikamiut qaammat sukumiisumik misissulerpaat
Qaammat pillugu ilisimasat killeqarmata maanna iliuuseqartoqalerpoq. Ilisimatuummi NASA-meersut, tassa amerikamiut avataarsualiartitsisarfianneersut, qaammammukartitsinissamik maanna piareersaleruttorput. Aviisimi Politikenimi taama allaaserinnittoqarpoq.
Allattoq Mads Lynge
Avataarsualiartaat Floridami Cape Canaveralimiit aallartinneqassaaq, inuttaqassanngilarli. Avataarsualiartaat raketimik igeriuttakkamik nassassaaq, raketilu taanna Qaammatip qaavanut allartinneqassalluni.
Qaammammi imeqarnersoq imeqarsimanersorluunniit misissuisoqassaaq, inuimmi avataarsuanukarnissaannut tamanna pingaaruteqarluarsinnaammat.
Qaammatip qaava pillugu paasissutissat aatsaat taama sukumiitigisut Qaammammukartitsinikkut aamma pissarsiarineqasssapput.