Tusagassiuutit: Amerikamiut arfineq marlunik sulisulimmik Nuummi sinniisoqalissapput

USA Nuummi 2020-mi arfineq marlunnik sulisulimmik sinniisoqarfeqalissaaq. Namminersornerullutik Oqartussat nunanut allanut tunngasunut Naalakkersuisoqarfianut sanilliukkaanni taanna Nuummi 15-inik sulisoqarpoq.
USA Nuummi 2020-mi arfineq marlunnik sulisulimmik sinniisoqarfeqalissaaq. USA-p nunanut allanut tunngasunut ministereqarfiata kongressimut allagaqaataani qaammatip siuliani saqqummiunneqartumi allassimasoq, nutaarsiassaqartitsiviup AP-p allaaseraa.
septembarip 04-at 2019 08:13

USA Nuummi 2020-mi sinniisuutitaqarfeqalissaaq, inuillu arfineq marluk atorfeqatinneqassasut, nutaarsiassaqartitsivik AP allaaserisaqarpoq.

USA Nuummi allaffimmik maajimi ammaammat, atorfilittaq Sung Choi atorfinitsinneqarpoq. Kalaallit Nunaata USA-llu akornanni atorfilittatigut suleqatigiinnerup nukittorsarneqarnissaa taassuma sulissutigaa. Atorfilittarlu Nuummi Købehavnimilu sulisarluni.

USA-llu kalaallinik ukiamut atorfinitsitsinissani neriuutigaa, pilersaarutillu 2020-mi naapertorlugit sinniisuutitaqarfik arfineq marlunnik sulisoqartussaavoq.

USA-p nunanut allanut tunngasunut ministereqarfiata USA-mi inatsisartunut kongressimut allagaqaataani tamanna qaammatip siuliani saqqummiunneqarpoq.

AAMMA ATUARUK Nunanut allanut tunngasuni qaffasissumik atorfillip nunarput USA-lu imminnut qaninnerulersissavai

Allagaqaat taanna nutaarsiassaqartitsiviup AP-p pissarsiarisimavaa.

USA-p nunatsinni sinniisoqarfeqaqqilernissaa USA-p kissaatigigaa, USA-p nunanut allanut tunngasunut ministeriata Mike Pompeop ukioq manna maajimi nalunaarutigaa.

- USA-p Kalaallit Nunaanni sinniisoqarfeqalernermigut Issittumi takussaanerulernissani qulakkiissavaa, USA-llu Kalaallit Nunaannni soqutigisaanut iluaqutaassalluni. USA-p nunanut allanut tunngasunut ministereqarfia taama allaaserisaqarpoq

AAMMA ATUARUK USA-p aalajangersimasumik sinniisoqarfeqalerniarnera naalakkersuisut tikilluaqquaat

Issittup USA-p politikkikkut suliniuteqarneranut aningaasarsiorneranullu pingaaruteqarnera, Issittumilu takussaanerulernissaata nukittorsarneqarnissaanut soqutiginartuunera avaqqunneqarsinnaanngitsoq, ministereqarfiup ilanngullugu oqaatigaa.

Atorfilittaq Sung Choi, USA-mit maajimi atorfinitsinneqarpoq. Kalaallit Nunaata USA-llu akornanni atorfilittatigut suleqatigiinnerup nukittorsarneqarnissaa taassuma sulissutigissvaa, politikkikkut inuussutissarsiornikkullu suleqatigiinneq aamma nukittorsarneqarniarluni.

USA-p nunatsinni sinniisoqarfeqaleqqinnermigut Kalaallit Nunaanni atorfilittanik attaveqarnerulerlunilu suleqateqarnerulernissaa qulakkeerneqassasoq, inuiaqatigiillumi suleqatigineqarnerulernissaat periarfissanngusssaaq, USA taama allaaserisaqarpoq.