Amerikamiumik aatsaat pavenngortoqartoq
Amerikamiumik aatsaat siullermeertumik pavenngortoqarpoq.
Tassami amerikamiu, Robert Francis Prevost pavetut toqqarneqarpoq. Tamanna Peterskirkep aneersuartarfianit sisamanngornermi unnukkut nalunaarutigineqarpoq.
Nutaarsiassaqartitsiviup Reutersip allaaserisaa naapertorlugu taassuma pave Leo XIV atissatut toqqarpaa.
Pavep nutaap nalunaarutigineqarnerata kingunitsianngua Pavenngortup oqaluffiup Petersip aneersuartarfiatigut inuit tusindilikkaat Peterspladsimiittut nuannattut anillaffigai.
69-inik ukiulik, Robert Francis Prevost maanna qimagussimasumit, pave Fransimit 2023-mi kardinalinngortinneqarpoq. Taannalu Perumi ajoqersuiartortuunikuuvoq.
Pavenngortup pave Frans poorskip ulluisa aappaani toqusoq taarserpaa. Pave Frans ukiuni aqqaneq-marlunni katuullit oqaluffianni qullersaareerluni 88-inik ukioqarluni toquvoq.
Nunarsuatsinni katuullit 1,4 milliardit missaanniipput.
