Assi: Inuit Ataqatigiit

Pituffik: 'America First' isumaqatigiinniarnernut nutaanut ajornakusoortitsisoq

Kalaallit Nunaata Amerikamiut Pituffimmiinnerat pissarsiaqarfiginerusukkuniuk, taava isumaqatigiissutit Kalaallit Nunaannut pitsaasuunnginnerat nunat ataqatigiinnerannut akornutaaooq USA-mut paasitinniartariaqarpaa. USA-lli 'America First'-imik politikkeqartillugu suliassaq ajornakusuussasoq, immikkut ilisimasalik naliliivoq.

Tassalu Vivian Motzfeldt naapertorlugu nunarput Pituffimmi sullissinissaq pillugu  USA-mik Danmarkimillu isumaqatigiinnialeruttorpoq, taakkuali ajornakusoortuusut, ilisimasallip Illersornissamut Ilisimatusarfimmeersup nalilerpaa.

Nunattami isumaqatigiissummit pissarsiaqarneruniassaguni, maanna killiffik attanneqarsinnaanngitsuusoq, amerikamiunut isumaqalersitsiniaasariqarpoq, Lektori issittumilu sillimaniarnermut ilisimasalik Illersornissamut Ilisimatusarfimmeersoq, Jon Rahbek-Clemmesen taama oqarpoq.

- Isumaqatigiissut massakkut atuuttoq siunissami ungasinnerusumi attannerqarsinnaanngitsoq, Kalaallit Nunaata Danmarkillu Amerikamiunik isumaqalersitsiniaaniarlutik suliarujussuaqarput. Isumaqatigiissut siunissamut ungasinnerusumut attanneqarsinnaassappat peqataasut tamarmik  pissarsissutigisariaqarpaat, immikkut ilisimasalik oqarpoq.

USA-mili pissutsit taamaatsillugit amerikamiut qularunnaarsinnissaat ajornakusoorpoq.

Tassami USA-mi atorfillit politikerillu tamarmik amerikamiut siulliullugit sullinnissaat pingaartittorujussuuaat.

- Aallartitap soorlu oqarneratuut: "America salliutillugu". Pissutsit taamaatsillugit, apeqqummi uani immaqa akuersaarnerulaartariqarnerannik, USA-mut nassuiaanissaq ajornakusoortorujussuussaaq, Jon Rahbek-Clemmesen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat