Ambassadøri danskinut: Allamiunut inussiarnernerulaaritsi

James P Cain arlaleriarluni Kalaallit Nunaannut tikeraarpoq, Ritzauillu allaaserisaa malillugu James Cain Danmarkimi ambassadøriusimasuni tusaamasaanerit ilagaat.

Ikinngutinik nutaanik pilersitsisimalluta utissaagut pinngortitamut silamilu sammisassat ilikkarlutigit USAmut utilerpugut Cain oqaluttuarpoq.

Kalaallit Nunaanni silap pissusaata allanngorsimanera misigaarput, nungusaataanngitsumik inooriaaseqarsinnaanermut piareerluta peqqinnerusumillu inuuneqarnissaq aamma ilikkarlutigu, James Cain oqarpoq.

Ambassadør Cain Danmarkimiinnermini ajunngitsunik ilikkagaqarsimagaluarluni qallunaanut oqariartuuteqarpoq:

Assigiinngissutsinut allannguinissanullu annilaangasoqannginnissaq oqariartuutigaa, inuiannullu danskinit allaanerusunut annilaangaassuteqannginnissaq kissaatigalugu.

Ilissinnit allaanerusut tikilluaqqusigit eqitaarlugit assigiinngissutsillu tikilluaqqullugit Ambassadør Cain Kastrupimi timmisartoqarfimmi USAmut aallalinnginnermini tusagassiortunik katersortitsinermi arfininngormat pisumi qallunaanut taamatut oqariartuuteqarpoq.