Amazonasimi silap pissusaa allanngoriartuinnartoq
Amazonasimi silap pissusaa ukiut kingulliit 100-t ingerlanerini allanngoriartorpoq, aatsaalli taama sukkatigaluni. Ujarassiuut Brasiliami misissuiffiannit tamanna aarlerinartoqartinneqarpoq.
Kiattup orpippassuini ukiup affaata ingerlanerani sialussuareerlunilu panernersuaqareerpoq, silallu allanngorarnerujussua, ujarassiuut aarlerinartoqartippaat.
Juunimi siallerujussuallarmat kuussuaq Rio Begro qarsutsimmat inuit 100.000-it taamanikkut angerlarsimaffeerupput. Qaammatillu arfinillit qaangiummata tamaani panernersuaqalerpoq.
Orpinnik uppikaatitsinerit isornartorsiorneqarput, præsidentip Lula da Silvap akuersissutigisaanik orpinnik uppikaatitsisoqartarmat.
Orpinnik piiaanerit ullumikkutut ingerlaannassappata silap sukkanerusumik allanngoriartupiloorsinnaanissaa aarleqqutigineqarpoq.
Erngup tarajuunngitsup nunarsuatsinniittup 23 procentia Amazonasimiippoq.