Aluminiup kinnganikui kuussuarmut anngupput

Kinnganikoq toqunartulik kuussuup ilaani, tassa kuussuup avalequtaasa ilaanni, uumassusilinnik toqoraareersimavoq:

- Kuussuarmi Marcal-imi pinngortitami uumassusillit tamaasa toqorareerpai. Aalisakkat tamarmik toqusimapput, kuullu sinaani naasut aamma annaanneqarsinnaanngillat, Tibor Dobson nunap immikkoortuani annaassiniarnermut pisortaasoq Ritzauimut oqarpoq.

Ataasinngormat ajutoortoqarnerata kingornagulli annaassiniartut toqunartoq ajoqusiisinnaajunnaarsinniaraluarpaat aamma erngup seernassusaa aaqqinniarsarigaluarpaat, iluatsinngitsumilli. Kinnganikut 1,1 millionit kubikmeterit aatsitsiviup eqqaanut pinngortitamut seerisimanissaat naatsorsuutigineqarpoq, nunalu annertooq mingutsissimassallugu, nunaqarfiit arlallit qarsutsivigineqarput, inuillu sisamat ajunaarlutik.

Ajutoornerup inuup kukkuneranik pissuteqarsimasinnaanera, Ungarnip ministeriunerata, Viktor Orbanip, tusagassiutinut nalunaarummini oqaatigaa.