Aluminiumik aatsitsivittalimmik sanaartornissaq akuerineqarpoq

Amerikamiut suliffissuaataat, Alcova Norsk Hydro, peqatigalugu erngup nukinga atorlugu nukissiorfissuarmik aluminiumik aatsitsivittalimmik sanaartornissaannut nunatsinni periarfissarsiornissaat akuersissutigineqarsimavoq. Suliffeqarfissuit taakku kissaatigisimavaat suliffeqarfissarsuit nutaat nunatta kitaata qeqqani inissinneqassasut. Taamaattumik Sisimiut, Maniitsup aamma Nuup Kommuniisa nunaminertat neqeroorutiginiakkatik ulluni makkunani allaaseralugit inaarsarpaat, Namminersornerullutik Oqartussanut februarip ulluisa 15-iat tikitsinnagu tunniussassatik. Kommunimi ataatsimiititaliamik suligasuartussanik pilersitsisoqarsimavoq, ingeniørit pingasut aningaasaqarnermullu ataatsimiititaliameersut pingasut Borgmester Søren Lyberth ilanngullugu. Inissiffigineqarsinnaasutut piukkussanik misissuisimapput, qarasaasiaq nunallu assinga atorlugu, misissuinermilu piukkunneqartut tassaapput Maniitsumi qeqertat pingasut. Februaarip 13-ani kommunalbestyrelse ataatsimeereerpat, siunnersuutigineqartut Namminersornerullutik Oqartussanut nassiunneqassapput, Søren Lyberth radioavis-imut oqarpoq Sisimiormiut qulakkeeriikkaminnik pingasunik neqeerooruteqarput, ataaseq suli misissorneqarluni, taama ilisimatitsivoq borgmester Hermann Berthelsen.