Aluminiuliorfissaq pillugu alloriaqqingajalerput
Nunatsinni Aluminiumik aatitsiviliortoqarnissaanik aaliangertoqannginnerani alloriarnermiit alloriarnermut pilersaarusiornerit misissuinerillu ingerlanneqaqqaartariaqartut, Inuussutissarsiornermi Suliffissuaqarnermilu Naalakkersuisoq Siverth K. Heilmann oqarpoq.
- Aluminiliorfimmik nunatsinni pilersitsisoqassanersoq suli aalajangerneqanngilaq. Marsimi aprilimiluunniit politikkikkut killiuffiugallartut nalilersussavagut, kingusinnerpaamillu majimi inatsisartuni saqqummiisoqareerpat alloriarneq tulleq, immaqa pituttuiffiunerusumik ingerlariaqqittoqarusuppoq. Aningaasaleeqatigiinnissamut tunngassuteqartunik naalakkersuisuni isummernissaq qularnanngilaq. Kisianni avatangiisit mianerineqarnissaat innuttaasullu ilisimatinneqarnissaat pingaartorujussuuvoq, Siverth K Heilmann oqarpoq nangillunilu: Suleqatigiinnissamut pituttuiffiunerusinnaasoq tassaasinnaavoq, immaqa erngup nukissiorfiliornerit marluk, taavalu aluminiummimik aatsitsivissarsuarmik sananissami sumi inissiisoqarnissaa kommunit pingasut siunnersuutigisaat aallaavigalugu aalajangiisoqassaaq.
Siverth K. Heilmann aamma oqarpoq suna tamaat anngaaginnarnianngikkitsik. Piginneqataanikkut politikkikkullu aallartitserusuttut, Canadamiuuppata norgimiuuppatalaluunniit, taakkua akornanni nunatsinnut politikkikkut paaseqatigiissuteqaqqaartariaqartut erseqqissarpaa.
