Alumiiniuliorfissamik suliniuteqartoqarpoq
Aluminiuliorfissamik pilersitsinissamik suliniut siuariaqqippoq. Nalunaarusiaq alumiiniuliorfiliortoqassappat avatangiisinut qanoq sunniuteqarumaarnissaanik imaqartoq ullumimiit jannuaarip 15-iata tungaanut susassaqartunut tusarniaavigisassanngorlugu saqqummiunneqarpoq.
Allattoq Mads Lynge
decembarip 12-at 2007 15:34
- Aluminiuliorfiliortoqarnissamik suliniut annertoorujussuuvoq, suliffissuarmillu aatsaat taamak annertutigisumik pilersitsisoqarnialersaarpoq, taama oqarpoq nalunaarusiamik suliarinnittut siuttuat Klaus Georg Hansen.
Nalunaarusiaq arfinilinnik kapitaleqartoq alumiiniumik aatsitsisoqassagaluarpat ajoqutigisinnaasai iluaqutigisinnaasalu pillugit imaqarpoq. Kapitalillu arfinillit taakku pinngortitaq mingutsinneqassagaluarpat qanoq kinguneqarsinnaaneranik ilaatigut imaqarpoq aammalu avatangiisit, kulturi, peqqissuseq, immikkoortaqarfikkuutaat ineriartortinneqarnissaat kiisalu misissugassanik immikkuullarissunik imaqarluni.
