Alluitsup Paaniit Birkerødimut

- Danskit ileqqorissaarlutillu perorsarluarsimasuuppput, uatsinniillu ilumoorsaarnerujussuullutik.

Taama oqarpoq, Alluitsup Paani 9.klassimi atuartut ilaat, Birkerødimut paasisassarsiorluni angalaqataasoq.

Paasisassarsiorluni angalanermi atuartut paasiniagaasa ilagaat, danskit kultooriat Danmarkimilu inuusuttuaqqat ulluinnarni inooriaasiat.

Birkerødimi aviisit ilaata allaaserisaani, 16-nik ukiullip Isak Lange Chemnitz-ip maluginiarsimasaasa ilagaat, nammineq ulluinnarni inuunini danskinit qanoq allaanerutiginersoq.

- Nuanneqaaq, aamma eqqarsaatigaara Danmarkimi efterskolernissara, danskit kultooriat inooriaasaallu qanoq ittuunersoq suli itinerusumik paaserusuppara. Soorunami nunatsinnut uteqqikkumaarpunga, Isak Lange Chemnitz aviisimut oqarpoq.

Paasisassarsiorluni angalasarnerni siunertanut ilaavoq, Danmarkimi inooriaatsit qanoq ittuunerisa paasiniarnissaat, angalasarnerlu siunissami ilinniaqqissinnaanermut piareersarfittut aamma angalasarnerlu atorneqartarpoq. Atuartut Alluitsup Paanut pingasunngorpat uteqqissapput.