Meeqqat atuarfianni 3die aamma 7 klasseni atuartut nunatsinni tamarmi, ulluni makkunani misilitsipput, alloriarfimmik taaguuteqartumik.
Misilitsinerni atuartut ataasiakkaat atuaqatigiillu, killiffiinik takussutissiisussaavoq, ingerlariaqqinnissaannullu sakkussanik tikkuussisussaalluni. Misilitsinnermi angusinngitsoortoqartoqarsinnaanngilaq, ajuusaarnaraluartumilli atuartitsisut ilaat atuartunut tamanna qunusaarutigineqarsimavaat, Inerisaaviup naliliisarfiata immikkoortortaqarfiani pisortaq Kaali Olsen oqarpoq.
Tassa oqaluttuarfigineqarpunga angajoqqaaminngaanik isumakuluttumik ilinniartitsisumit meeraa oqaluttunneqarsimavoq: ”ukunani Alloriarfinni misilitsinerni ingerlakkuni taava atuarfiusup tullermi ingerlaqqinnitsoorsinnaasoq!” Kaali Olsen oqarpoq.
Uani pingaartorujussuuvoq erseqqissassallugulu
Oqaatigissallugulu ” DUMPERTOQARSINNAANNGILAQ, ANGUSINNGITSOORTOQARSINNAANGILAQ !
Meeqqanut uku misilitsinnerit atugassaapput, meeqqanut sumut killiffii paasiniarlugit, suna klassep killiffigineraa, suullu piffissami tulliuttumi immaqa immikkut sammineqartariaqartut paasinarlugit, Kaali Olsen oqarpoq. Misilitsinnerit sakkussaapput meeqqamut perorsaanermi ineriartortitsinissami, meeqqamut ataasiakkaami klasse-mi ineriartornisssamut. Angajoqqaat sinnarluttariaqanngillat, meerartik angusinngitsuussanersoq, misilitsinnermi paasineqassaaq atuartitsinermi sukkut sukataartoqassanersoq piffissami tulliuttumi, Kaali Olsen oqarpoq. Alloriarfiit soraarummeerfiunngillat, tassaallutilli meeqqat ataasiakkaat klasse-llu ingerlariaqqinnissaannut sakkussat, Kaali Olsen oqarpoq.
Inerisaaviup naliliisarfimmi immikkoortortaqafiani pisortaq Kaali Olsen suleqatitsinnit Karsten Sommer-imit apersorneqarluni taamatut oqarpoq.
Ilangutassiaq Jaaku Lyberth-imit suliarineqarpoq.
